ديوان للشاعر فزاع

اشعار الشاعر : حمدان ال مكتوم ( فزاع )

-----------------------------------------
(تحت البحر اشياء واشياء )
تحت البحر اشياء واشياء واشياء ومن لامني لايرجع يلوم بعدين


شفت بعيوني خيل وتغوص في الماء كأنها علامات الدقايق الاخرين


وانا أول اسمي ياملاء يبتدي بحاء وأخره النون الي تعرفه زين


بديت من سنتين مابين الاجواء لين اتضحلي الجو من عقب شهرين


لبيك ياخلي ولبيك باغراء الشوق يذبح والضحايا ملايين


التنمية في الارض يادار الانماء تبغي ذكي والناس مانهم ذكيين


يلي دواء مواصلك سبت الداء ذبحتني من دون بندق وسكين


وأنا بحال الضيق واحباط واغماء وارفق علي بزين وبزين وبزين


ولاعاد تتشائم ولاعاد تستاء لاهزت الفرقة قلوب المحبيين


بغداد تبكي من مجازر سامراء والقدس ينزف جرحها في فلسطين


أحاول أفهمك باسلوب الايحاء الصبر قاسم مشترك بين الاثنين


وبالختم والبصمة وبحروف الامضاء وبالحق والقانون والعرف والدين


ماتشعر الاموات باحساس الاحياء وانت بعيني ميت قد لك سنين


وقفت ضدي ليه في صف الاعداء واحرجتني في الناس والناس داريين


نفس الطموح اللي معك في الفشل باء كونت به نصر مثل نصر حطين


وعشقت من يفهم كلامي بالاصغاء اقره عليه الحمد ويردد أمين


من نور وجهه ينجلي كل ضلماء وغلاه متربع ما بين الشرايين


متربين على نعم ماعرف لاء ويقول من دالعين قدام دالعين


ماهو في حاجة مدح اوحاجة اطراء عنده ثقة هو وين والعولمة ويين


اسمه ماهو يسقط سهو بين الاسماء عالي مثل نجم الجدي والميزايين


القلب فيه يموت وتموت الاعضاء وبالله يافيروز ياللي تغنين


غنيه لين الشوق مايشبع ارضاء وخليه يدخل جو الاشواق تكفين


أبغي صدى صوتك يغرد في الانحاء حتى الحمام ينوح بين البساتين


كان البحر تلقى به اشياء واشياء هاذي سواة البحر ماكأني من طين

------------------------------------------(لك حروفي قصيدة )


لك حروفي قصيد ولك قصيدي شعور

ولك شعوري خفوق نبضه الحي إنتي

ولك غلا في صميم الروح حاضر حضور

واشهد انك بقلبي ولا عن العين غبتي

يا سنا الكون كله والعواطف بحور

يا ظيا العين ياللي في وسطها سكنتي

يا بعد كل من لي يا أريج الزهور

يا أعذب حروف تظهر في كلامي وصمتي

يا شعاع تحلى ولا على النور نور

بس ما غير نورك يظهر ليا ظهرتي

ويا ملاك خلقه الله لعمري سرور

وش تفيد الحياة بيوم لا من زعلتي

أعتذر لك ياعمري ولو بعذري قصور

وانتي قدرك ع راسي ولا حشا بيوم هنتي

إبسمي يعل ربي يحفظك م الشرور

تبتسم لي حياتي وقت فيه ابتسمتي

ان زعلتي عليه كن كوني مهجور

وان رضيتي تسابق ابتسامتي فرحتي

إنحنت لك قصيده ساجدة ع السطور

كثر ما انتي بمكه يا اطهر الناس طفتي
----------------------------------------(مستحيل انساك )


مستحيل أنساك هذا مستحيل مستحيل أنساك والله للأبد

من يعاشر شخص مثلك ما يميل لا ولا ينوي على غيرك أحد

يا جميل في جميل في جميل يا فريد اللون في جيد وخد

ترتسم في وجنتك شمس الأصيل وجمرتين بينهن صف البرد

والعيون الدعج والرمش الظليل ونور وجهك منهن نور استمد

تهت في حبك مثل توه الضليل وزادت جروح الحشا جروح جدد

ولا ولا عن حبك أرضى بالبديل وكن باقي الخود تكمالة عدد

لي يسير الدرب يوصل لو طويل أو مثل ما قيل من جد وجد


(الفصول الاربعة )


أنساك كلمه مالها أية وجود بمرجعي
والقلب لامنه نوى غيرك حبيبي بامنعه

تنتابني ذكراك ما بين الوعي واللا وعي
ما كنك الا بحر حلمي والمشاعر الأشرعه

من وين تطلع كنك الا تقول يا شمس اطلعي
يتنفس الفجر بنفس حسنك ويشرق مطلعه

مع إن فرعك لو رميت الشمس به عيت تعي
إن الدجا يسري لها من دون ما تتوقعه

إن الدجا يكنز عبيره للنسيم المطلعي
كله على شان النسيم المطلعي يلعب معه

يمتد ليلي واشعلك شمعة غلا بين اضلعي
ويمر بي طيفك ويتناثر بصدري واجمعه

تحتاج تتعبني وأنا أحتاج لك وأنته معي
بعض المشاعر تتعب المشتاق لكن ممتعه

موقعك من قلبي تدله بس حدد موقعي
وبعدين خذ قلبي وفي دنيا غرامك ضيعه

وإن طاب لك شوقي وطاب لصوت همسك مسمعي
القلب لك والشوق في عروقي بكيفك وزعه

القلب ملكك والفصول الأربعة من مطمعي
دام التقت في مبسمك كل الفصول الأربعه (ثمار الهوى )


ليتك معي يوم الهوى نود نسناس
من الفرح والله ما تدمع العين

ناس على تعذيب ناس لهم ناس
وهذا الهوى ياخذ قلوب المحبين

لكن لا يطري على بالك الياس
ذوق الهوى دامك تعيش العمر حين

خذ من عطر ورد مع طيب الانفاس
واقطف من اثمار الهوى في البساتين

خلك مع حلو اللما عذب الالعاس
الجادل اللي فايق بكل تكوين

لا تحط نفسك بين وعرات الاطعاس
وافهم بأن الحب عذب ملايين

الحب مرجع للمحبين واحساس
والحب هو في قلب الاحباب نوعين

ع كيف ما تبغي لك تدق الاجراس
والشاطر اللي يملك الحب بيدين

(يا سلام )


ياسلام الله عليها ياسلام
يا سلامي على العيون وخدها

كنه نور يشع من تحت اللثام
سيدة في الحسن منهو قدها

دونها الساعة تمر الفين عام
ودامني معها تسرّع عدها

ما يوصف ما بها زود الكلام
والجمال اللي بها ما سدها

نابية ردفين وخصور هضام
آه ويلي من حلاته ردها

الجسم ماعاد تشيله عظام
وكنني ما بين جزر ومدها

جارف الاشواق واسرار الغرام
وكل ما في خاطري هو بيدها

لك خفوقي ثم عقل مستهام
بس روحي سيدي لي ردها








..............................

وشكراَ أتمنى يعجبكم



ملطوش للأمانه خخخخخخ