يكفي مني ابتسامة
عضو
عدد الرسائل : 38
العمر : 32
تاريخ التسجيل : 19/09/2008
 | موضوع: صـــورة 4×6  الإثنين سبتمبر 29, 2008 7:22 pm | |
|
ثلاث سنين انا اخطط لهذا اليوم يـا بـو سعـود
تيسّـر حالـي و جاهـز اوفّـي وعـدي بوقتـه
و فجأه جتني تتعـذر .. تقـول تأخَـرَت الوعـود
و انا مستغرب و اسمع كأنـي وعدهـا خنتـه !!
حسبت انها تمازحني و تتصنـع جفـا و صـدود
ضحكت بوجهها من قلب.. مع انْها بايخه النكتـه
و قالت ارضى بالواقع .. قلبـي ماهـو المعهـود
تغير كل شي صوبك .. نصيبي ما اظـن انتـه !!
كنت ف يوم محبوبـي و لكـن مـا اظـن نعـود
وصل من قبل ما توصل .. و انا ذاك الصبر عفته
و لكن تكفى صدقنـي و يشهـد ربـي المعبـود
ترى ما خنتـك بغفلـه .. ولا كلمتـه و شفتـه
صراحه اهلي قالوا لي بأنه ولـد اصـل و جـود
و جتني امه بالصوره .. و بكلمات المـدح اختـه
سكت و قلت هي فرصه مدام الجود في الموجـود
و قالوا كل من حولـي علامـات الرضـا سكتـه
و انا فكرت دام امـه و اختـه مـا عليهـم زود
اكيـد انـي براضيهـم اذا وافقـت و اختـرتـه
و اراضي اهلي و اخواني مدام ان الفرح مقصود
عطيت الناس انا كلمـه ومعاهـم وقتـي حددتـه
و لا اقدر اغيرها .. ترى عنـد العـرب منقـود
اوافق و اعتذر باجر و اقـول الـراي غيرتـه !
تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمـري مـا عشتـه
انا ماني بقايلها .. عسـى يفـرش ثراهـا ورود
بعد ما حطمـت قلبـي و طعـم المـوت جربتـه
عسى بفستانها اشواك .. و في ثوبه عقارب سود
و نار ٍ تحرق الكوشـه و تحـرق بيتهـم حتـى
و موت بليلـة الدخلـه يبـرد حرتـي يـا كـود
ولا احس انهـا بحضنـه يلامـس خـد لامستـه
علي اهون اذا ماتوا ولا بنفـس السريـر رقـود
ترى صعـب ٍ علـي اتخيـل اللـي مـا تخيلتـه
عسى قاع الثرى يقسى و يتحول صخـر جلمـود
و حفار القبـر يرفـض يسـوي فـوق مقدرتـه
ترى دفنة عديم الذات تلـوع حتـى كبـد الـدود
و من خان العهود و مات تعافـه حتـى مقبرتـه
عسى ربي يجازيهم بحبـل ٍ مـن مسـد ممـدود
يعلقهـم مـن اطرافـه و فوقـه نـار ٍ و تحتـه
انا ماني حقود و شين ولاني مـن نسـل نمـرود
ومن حط نفسه بوضعي بيقـول اللـي انـا قلتـه
مدام الفعل لـه ردة فعـل والله ابشـري بـردود
بدعـي دامنـي حـي ٍ و بغـرس للدعـا نبتـه
و بسقيها نزيف القلب و دمع ٍ ما رحـم لخـدود
و تكبر و الثمر ثاري من اللي خاننـي و صنتـه
انا نذرٍ علي اكتـب و افجـر هالقصيـد رعـود
و اسمّع كل بشـر صوتـي عجبتـه ولا زعلتـه
و اردد للي يسمعني .. اذا حبيت ( حط حـدود )
انا حبيت دون حـدود و شـوف اللـي تكبدتـه
ثلاث سنين انا ابني و جت ( صوره ) بكل بـرود
خذت مني شقى عمري و حلم ٍ ( قلت ) حققته !!!
ثلاث سنين انا اخطط لهذا اليوم يـا بـو سعـود
وتوافق من كلام اخته .. و صـوره ( 4× 6 )
للشــاعر/ فـهـد معتوق ( ساقي الشوق )
| |
|
شووق الريــــــــــــــاض
الاداره
عدد الرسائل : 240
تاريخ التسجيل : 21/08/2008
| | موضوع: رد: صـــورة 4×6 الثلاثاء سبتمبر 30, 2008 1:42 pm | |
| تسلم يدينك على النقل الرائع لاعدمنا جديدك | |
|
يكفي مني ابتسامة
عضو
عدد الرسائل : 38
العمر : 32
تاريخ التسجيل : 19/09/2008
| | موضوع: رد: صـــورة 4×6 الجمعة أكتوبر 03, 2008 1:10 am | |
| يسلمك ربي وَ يخليك
متابعتك أروع
يعطيك ربي العافية مديرتنـا الفاضلة
ولا تحرمينـا طلتك  | |
|
NOoR ALRiyadh
الاداره
عدد الرسائل : 75
تاريخ التسجيل : 19/08/2008
| | موضوع: رد: صـــورة 4×6 الجمعة أكتوبر 03, 2008 5:00 pm | |
| ثلاث سنين انا ابني و جت ( صوره ) بكل بـرود
خذت مني شقى عمري و حلم ٍ ( قلت ) حققته
:::
كلمـات كثير معبرهـ
ألـف شكـر لكـ حبوبه على النقـل الذووق
دمتي ودامـ هذا النشـاط
تحيـاتي لكـ
::: | |
|
oJgJI
عضو نشيط
عدد الرسائل : 207
العمر : 35
تاريخ التسجيل : 24/08/2008
| |
عاشـ تيم عباس ــق
مشرف
عدد الرسائل : 566
العمر : 34
الموقع : راحـ منـ عنديـ ووجههـ قباليـ * شتتـ ليـ أفكاريـ ولاـ خافـ ربهـ
تاريخ التسجيل : 23/08/2008
| | موضوع: رد: صـــورة 4×6 الأحد أكتوبر 05, 2008 2:36 am | |
| وربي كلام يقطع القلب
يعطيك العافيه ما قصرتي
والله يجعل حياتك دوم لفوق ..<<<< معليش خذاني حسي الشعري هههه 
ربي يخليك ولا يحرمنا منك 
تقبل احر مرور لأحلى عضو عندنا 
,,,,,,,,,,*عاشـ تيم عباس ـق*,,,,,,,,,,,,,, | |
|
